Op 25 januari 2026 waas de groëte daag det Limburg voor éín aovond massaal richting Amsterdam trok. Frans Pollux en Lex Uiting oet Venlo krege 't veur mekaar um mier dan 11.000 minse beej mekaar te bringe in de Ziggo Dome veur 't groëtste dialectpopconcert oeit! Same met 't fantastische Metropole Orkes en special guests Chantal Janzen, Emil Szarkowicz en Bart & Tren van Träcksäck zatte zeej de groëtste popzaal van Nederland op de kop. Ik had de iër um same met toppers Sven Jacobs en Larissa Derks deze magische aovend vas te legge op foto. 'T waort d'r eine um noeit mier te vergaete. Die 11.000 minse die elk leedje van veur wies achter meizonge in mien eige dialek goof maetersdiek kiepevel!
