'T waas hiel erg leuk gewaes as ik noow had gezag det ik vanaaf kleins aaf aan al met fotografie bezig waas en det ik op mien achste verjeurdaag eine camera kedo kreeg en daor de leefde veur fotografie is ontstaon, maar det is neet 't geval. Toch as ik d'r achteraaf euver naodink, waas ik ouk as kind al eine baelddinker en zagte foto's mich altied mier dan teks. Zoe loos ik noeits de krant maar keek ik wal altied naor alle foto's die daorin stonde.

Veurdet ik dich gaer verder meineem in 't verhaol waor mien leefde veur fotografie is ontstaon, stel ik mich gaer nog efkes veur. Ik bin Danee Dings, gebaore en getaoge in 't prachtige Venlo. Boete fotografere bin ik gaer bezig met sport. Zoe probeer ik aaf en toe nog ens de sportschoel te bezeuke en bin ik in de lente- en zomermaonde geregeld te vinde op de golfbaan om ein belke te houwe.

Op 10-jeurige laeftied zoot ik de ganse zomer aan de tillevisie vasgeplek. Neet umdet d'r ein leuke film op tillevisie waas maar umdet in London op det moment de Olympische Zomerspeule plaatsvonde. Sinds dae bewuste Olympische Speule van 2012 waas ik betoverd door sport. Vanaaf toen had ik altied 't idee det ik sportjournalis ging waere. Toch kwaam ik d'r nao ein kort avontuur aan de Hoegeschoel veur Journalistiek achter det 't neet mien dingk waas.

In september 2020 begos ik met de opleiding SPECO - sportcommunicatie. Einmaol aangekomme in 't derde studiejaor moch ik ein minor keeze. Ik besloot um de minor fotografie te gaon volge in Amsterdam. Ik had in de zomer van 2020 met al mien spaargeld eine gooije 'hobbycamera' gekoch. Deze heb ik veural vuuel gebroek op vekansie en tiedes feesjes van de studievereiniging. Vanoet die interesse koos ik veur de minor fotografie. Tiedes dae minor kwaam ik d'r achter det ik mier met fotografie woel dan allein hobby.

Per toeval waort ik in oktober 2022 gevraog um fotograaf te waere veur Venloosch Vastelaoves Gezelschap Jocus en op dae manier rolde ik in de wereld van fotografie. In de maonde die volgde merkte ik det steeds mier minse mich met eine camera rond hadde zeen loupe en det mien foto's in de smaak veele. Her en der kreeg ik wat kleine aanvraoge of ik foto's woel komme make. Wennier dit steeds serieuzere vorme aan begos te neme en de aanvraoge toenaome, makde ik in juni 2023 de keus om mich in te schrieve beej de KvK. Det deej ik veural met de gedachte 'De kins 't maar vasgelag hebbe'. Vanaaf det moment heb ik offisjeel ein eige bedrief en werk ik vol enthousiasme aan allerlei verschillende opdrachte.

Beniejd waat ik veur dich kin beteikene? Neem vreejblievend kóntak met mich op en ik drink gaer ein tas koffie met dich!